काठमाडौं —

नेपाली बजारमा सोमबार (साउन ५ गते) सुनको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार सुन प्रतितोला ४०० रुपैयाँले बढेको हो।

साउन ५ मा छापावाल सुनको मूल्य तोलाको १ लाख ९३ हजार ७०० रुपैयाँ पुगेको छ। यसअघि आइतबार (साउन ४ गते) छापावाल सुन प्रतितोला १ लाख ९३ हजार ३०० रुपैयाँमा कारोबार भएको थियो।

चाँदीको मूल्यमा भने कुनै परिवर्तन आएको छैन। आइतबार जस्तै सोमबार पनि चाँदी प्रतितोला २,२८५ रुपैयाँमै खरिद–बिक्री भइरहेको छ।