११ माघ, काठमाडौँ । राष्ट्रियसभा निर्वाचनमा सत्ता गठबन्धनका १८ र एमालेका १ जना उम्मेद्वार विजयी भएका छन् । नेपाली कांग्रेसबाट १०, नेकपा माओवादीबाट ५, नेकपा (एस) २, जसपा र एमालेले १-१ सिटमा विजय हासिल गरेका छन् ।

कृष्णप्रसाद सिटौला कोशी प्रदेश, आनन्दप्रसाद ढुङ्गाना मधेश प्रदेश, विष्णुकुमारी पुडासैनी र जितजङ्ग बस्नेत बागमती प्रदेश, किरणबाबु श्रेष्ठ र पदमबहादुर परियार गण्डकी प्रदेश, विष्णुदेवी सापकोटा लुम्बिनी प्रदेश, कृष्णबहादुर रोकाया कर्णाली प्रदेश र बलदेव बोहरा र नारायणदत्त भट्ट सुदूरपश्चिम प्रदेशबाट विजयी भएका छन् ।

त्यस्तै माओवादीबाट श्रीकृष्ण अधिकारी बागमती, मनरुपा शर्मा गण्डकी, झक्कुप्रसाद सुवेदी लुम्बिनी प्रदेश, विष्णु विश्वकर्मा कर्णाली प्रदेश र रेणु चन्द सुदूरपश्चिम प्रदेशबाट विजयी भएका छन् ।

त्यसैगरी नेकपा (एस)बाट घनश्याम रिजाल बागमती र सावित्रा मल्ल कर्णालीबाट विजयी भएका छन् । साथै एमालेबाट रुक्मिनी कोइराला कोशी प्रदेश र जनता समाजवादी पार्टीकी पूजा चौधरी मधेश प्रदेशबाट विजयी भएका छन् ।