वैशाख ११,काठमाडौं।आजबाट रातो मच्छिन्द्रनाथको रथ यात्रा सुरु हुँदैछ। आज पुल्चोकबाट रथ अपरान्ह ४ बजेबाट तान्न सुरु गरिनेछ। रातो मच्छिन्द्रनाथको रथयात्रालाई ललितपुरको सबैभन्दा लामो जात्रा मान्ने गरिन्छ। रथलाई जात्रा अवधिभर ललितपुरको टोल-टोल घुमाउने प्रचलन रहेको छ।

सर्वसाधारणले यस जात्रामा आफन्तलाई बोलाएर भोज गरी जात्रा मनाउने गर्दछन्। यो जात्रा वैशाख महिनाको शुक्लपक्ष अन्तर्गत प्रतिपदादेखि असार शुक्ल चौथीसम्म करिब दुई महिना मनाउने गरिन्छ।