१ चैत,काठमाडौं।भूगोल पार्कले आज भने नेपाली कांग्रेस आसन्न उपराष्ट्रपति पदको निर्वाचनमा जनता समाजवादी पार्टी नेपाल (जसपा) का नेता रामसहायप्रसाद यादवलाई मत दिने निर्णय गरेको विषय लिएर आएका छौं ।माओवादी र नेकपा (एस)ले समेत यादवलाई मत दिने निर्णय गरेसँगै उपराष्ट्रपतिमा जसपाका उम्मेद्बार रामसहायप्रसाद यादवको जित सुनिश्चित भएको छ।उपराष्ट्रपति पदको निर्वाचनमा यही चैत ३ गते हुँदैछ ।

कांग्रेस केन्द्रीय कार्यसम्पादन समितिको आज बसेको बैठकले सत्तागठबन्धनका तर्फबाट उपराष्ट्रपति पदका उम्मेदवार जसपा नेपालका नेता यादवलाई मत दिने निर्णय गरेको हो । बैठकले गत फागुन २५ गते राष्ट्रपतिमा निर्वाचित वरिष्ठ नेता रामचन्द्र पौडेललाई बधाई तथा शुभकामना दिनाका साथै उहाँलाई मतदान गर्ने प्रतिनिधि सभा राष्ट्रिय सभा र प्रदेश सभाका सबै सांसदहरूलाई धन्यवाद ज्ञापन गरेको छ । यसैगरी बैठकले चितवन–२ मा हुने उपनिर्वाचनका लागि उम्मेदवारको सिफारिस गर्न पत्राचार गर्ने निर्णय गरेको महामन्त्री गगनकुमार थापाले जानकारी दिनुभयो ।

सरकारमा भने करिव एक हप्तापछि प्रचण्डले विश्वासको मत लिएपछि जाने कांग्रेसी नेताहरूले बताएपनि नौ दलीय गठबन्धनमा मन्त्रालयको टुङ्गो नलागेको भन्दै कसको नेतृत्वमा सरकारमा जाने बारेमा पनि टुङ्गो नलागेको बताएका छन्।