सोसल मिडियामा दीपिकाको डान्स स्टेप्सको निकै रोचक मिम्स बनाइँदैछन् । शाहरुख खान र दीपिका पादुकोणको फिल्म पठानको पहिलो गीत बेशर्म रंग ट्रोल भइरहेको छ । यसका थुप्रै कारण छन् जस्तै दीपिका पादुकोणको डान्स स्टेप्स र जैनको मकिबा गीतको धुन चोर्नु । सोसल मिडियामा गीत बेशर्म रंग ट्रेन्ड भइरहेको छ ।

बेशर्म रंग गीतमा बने मिम्स

बेशर्म रंगमा दीपिका पादुकोणको बोल्ड र ग्ल्यामरस अवतार देखियो । दीपिकाको यो डान्सलाई धेरैले मन पराइरहेका पनि छन् । बेशर्म रंगको कोरियोग्राफीलाई पनि निकै नोटिस गरिँदै छ । यस्तोमा मिम्स बनाउनेहरुले के छोड्लान् ? उनीहरुले बेशर्म रंगमा दीपिका पादुकोणको हुक स्टेप्समाथि मिम्स बनाए । दीपिकाको एउटा डान्स स्टेप छ जसमा उनी झुकेर ट्वर्क गरिरहेकी छिन् । गित रिलिज भएपछि यो हुक स्टेपलाई मानिसहरुले निकै याद पनि गरे । अब यसमा रोचक मिम्स बनिरहेका छन् ।

एक प्रयोगकर्ताले लेखे, ‘बेडमुनी आफ्नो चप्पल खोजिरहेको ।’ अर्का एक प्रयोगकर्ताले लेखे, ‘कोरियोग्राफर, डायरेक्टर र मलाई मनपर्ने दीपिका पादुकोणले के सोचिरहेका थिए ? ब्याकग्राउन्ड डान्सर अलि बढी नै फनी एक्ट गरिरहेका छन् ।

यतिमात्रै होइन, थुप्रै मानिसले यो पूरै गीतमाथि नै प्रश्न उठाइरहेका छन् । प्रयोगकर्ताले पठानको यो गीतलाई चोरिएको बताएका छन् । त्यो पनि जैनको मकिबा गीतबाट । प्रयोगकर्तालाई दुबै गीतको बिट्स एउटै खालको लागेको छ । मानिसहरू निर्मातालाई मकिबाको गीत चोरेको आरोप लगाएका छन् । बेशर्म रंग र मकिबा दुबैको गीतको क्लिप्सलाई प्रमाणको रुपमा सेयर गरिँदै छ ।