कतिको लोकप्रिय/अलोकप्रिय छन्? राजेन्द्र प्रसाद लिङ्देन
Approved Disapproved

परिचय

राजेन्द्र लिङ्देनको जन्म वि.सं. २०२२ भदौ २२ गते ताप्लेजुङको ढुङ्गेसाँघुमा भएको थियो। प्रहरी सेवामा रहेका उनका बाबुको जागिर झापामा भएकाले ढुङ्गेसाँघु (ताप्लेजुङ) मा जन्मेपनि उनको बाल्यकाल भने झापामा बित्यो। उनले राजनीति शास्त्र र इतिहासमा स्नातकोत्तर गरेका छन्। राजेन्द्र प्रसाद लिङ्देन एक नेपाली राजनीतिज्ञ हुन्। उनी राष्ट्रिय प्रजातन्त्र पार्टीका अध्यक्ष हुन्। उनी यस पार्टीका पूर्व महामन्त्री पनि हुन्। उनी नेपालको पहिलो सङ्घीय संसदका सदस्य हुन्। वि.सं. २०७४ को नेपालको आम निर्वाचनमा उनी झापा ३ निर्वाचन क्षेत्रबाट ४४,६१४ (५६.५२%) मत ल्याएर निर्वाचित भएका थिए। आदिवासी समुदायका भएर पनि उनलाई जातिय आरक्षणको विरोधी नेताका रूपमा चिनिन्छ। राजा ज्ञानेन्द्र शाहको प्रत्यक्ष शासनकालमा लिङ्देन जिल्ला विकास समिति झापाको सभापति बनेका थिए । उनलाई तत्कालीन राजा ज्ञानेन्द्र शाहले नै उनलाई जिविस झापाको सभापतिमा मनोनयन गरेका थिए । २०६२-६३ को जन आन्दोलनका बेला उनलाई झापाको बिर्तामोडमा राजावादी भएको आरोप लगाउँदै कालो मोसो दलिएको थियो । त्यतिमात्र होइन सशस्त्र द्वन्द्वकालमा माओवादीका कार्यकर्ताले उनको झापा गोल्धापमा रहेको घरमा आगजनी गरेका थिए । प्रतिनिधि सभा निर्वाचन, २०७९मा राष्ट्रिय प्रजातन्त्र पार्टीका उम्मेदवार राजेन्द्र प्रसाद लिङ्देन झापा प्रतिनिधि सभा सदस्य निर्वाचन क्षेत्र नं ३ बाट ४०६४८मत प्राप्त गरि प्रतिनिधि सभा सदस्यमा विजयी भएका छन्। उनका निकटतम प्रतिद्वन्द्वी नेपाली कांग्रेसका उम्मेदवार कृष्णप्रसाद सिटौलाले ३७३७२मत प्राप्त गरेका थिए।


२ पटक वडा अध्यक्ष तत्कालिन गोलधाप गा.वि.स जि.वि.स. सभापति प्रतिनिधि सभा सदस्य क्षेत्र नं. ३ मा २०७४ देखि २०७९


भिडियो