कतिको लोकप्रिय/अलोकप्रिय छन्? राजन भट्टराई
Approved Disapproved

परिचय

बार्ह वर्षको उमेरमा राजनीतिमा सक्रिय रहन थालेदेखि अहिलेसम्ममा उहाँले निरङ्कुशताका विरुद्ध निरन्तर जुझारु सङ्घर्ष गर्दै आउनु भएको छ । २०३५/०३६ को जनसङ्घर्षदेखि यताका हरेक आन्दोलनमा उहाँको सक्रियता रहँदै आएको छ । विद्यार्थी राजनीतिको बेलामा होस् वा पार्टी राजनीतिमा सक्रिय भएपछि, कुनै पनि समयमा नेपालको वामपन्थी एवम् लोकतान्त्रिक आन्दोलनमा उहाँको भूमिका सङ्घर्षशील रहेको छ । नेकपा (एमाले) को निर्माण, विस्तार र सुदृढीकरणमा लामो समयदेखि सक्रिय क. राजन भट्टराई देशकै एउटा बौद्धिक व्यक्तित्वको रूपमासमेत परिचित हुनुहुन्छ


निर्वाचन क्षेत्र आधारित कार्यसम्बन्धी प्रतिबद्धता

आगामी पाँच वर्षभित्र काठमाडौँको प्रतिनिधिसभा निर्वाचन क्षेत्र नं ४ मा सङ्घीय सरकार, प्रदेश सरकार तथा स्थानीय तहको समन्वय गरी गराई निम्न कार्य गर्ने गराउने प्रतिबद्धता व्यक्त गर्दछौं ।

भौतिक पूर्वाधार, सडक र यातायात क्षेत्रमा हाम्रो प्रतिवद्धता

आगामी पाँचवर्षमा काठमाडौं क्षेत्र नं. ४ मा सडक सञ्जालले नछोएका कुनै पनि टोल हुने छैनन् । कुनै पनि सडक कच्ची रहने छैनन्, सबै सडक स्तरीय र पक्की हुनेछन् । गोरेटो बाटोमा समेत कम्तीमा ब्लक छाप्ने कार्य सम्पन्न गरिने छ। धोबीखोला करिडोर र साततले-आनीगुम्बा सडक दुई वर्षभित्र निर्माण गरिने छ सबै सडकहरूको स्तरोन्नति, मर्मतसौन्दर्यकरण गरिनेछ । प्राचीन बस्तीलाई तथा मठमन्दिरलगायतको सांस्कृतिक तथा पुरातात्विक महत्वका संरचनालाई जोगाउँदै वैकल्पिक सडक निर्माणमा जोड दिइनेछ । सडकलाई पैदलयात्रीमैत्री बनाउन सम्बन्धित सबै निकायका प्रतिनिधि सम्मिलित समिति निर्माण गरी एकीकृत रूपमा कार्य अगाडि बढाइने छ । यस क्षेत्रभित्र पर्ने चक्रपथ खण्डको निर्माण गर्दा पुरातात्विक सम्पदा र प्राचीन बस्तीको संरक्षण गर्दै वैकल्पिक व्यवस्थापनको उचित व्यवस्था मिलाइने छ । गोपीकृष्ण हल अगाडिबाट तिलगङ्गा निस्किने गरी 'अन्डरपास' वा 'फ्लाइओभर' सडक निर्माणबारे सम्भाव्यता अध्ययन गरिने छ । विकल्पमा गोपीकृष्ण हल अगाडिबाट चक्रपथलाई घुमाएर धोवीखोलाको करिडोर हुँदै रातोपुल पुऱ्याउने र रातोपुलबाट तिलगङ्गा निस्किने गरी 'अन्डरपास' वा 'फ्लाइओभर' सडक निर्माण गर्ने बारे पनि अध्ययन गरिने छ । सम्भाव्यता अध्ययनले उचित ठहयाएको अवस्थामा 'फ्लाइओभर' वा 'अन्डरपास' सडक निर्माणको प्रक्रियालाई यथाशीघ्र अगाडि बढाइने छ । यस क्षेत्रभित्रका प्रत्येक वडाहरूमा सुव्यवस्थित पार्किङको व्यवस्था गरिने छ ।

खानेपानी, ढल तथा डुवान नियन्त्रणको क्षेत्रमा हाम्रो प्रतिबद्धता

यस क्षेत्रका कतिपय ठाउँमा खानेपानीको समस्या छ । अबका पाँच वर्षमा यस क्षेत्रका कुनै पनि घर धाराविहीन हुने छैनन् । कुनै पनि धारा पानीविहीन हुने छैनन् । मेलम्ची खानेपानी आयोजनाको बाँकी काम सम्पन्न गरी काठमाडौँ क्षेत्र नं. ४ भित्रका सबै घरमा पानी वितरण गरिने छ । खानेपानीको समस्या पूर्ण रूपमा समाधान गरिनेछ । स्थानीय खानेपानी आयोजनाका बाँकी कामहरू सम्पन्न गरिने छन् । खानेपानीका नयाँ स्रोतको पहिचान गरी निर्माण कार्य अघि बढाइने छ । हाल सञ्चालनमा रहेका स्थानीय खानेपानी आयोजनाहरूको शीघ्र निर्माण सम्पन्न गर्ने तथा स्तरोन्नति गरिने छ । धोबीखोलाचखुंचा खोलाखहरे तथा अन्य खोलाहरूमा भइरहेको बक्स कल्र्भट र ढल निर्माणको कार्यलाई आगामी १८ महिनाभित्र सम्पन्न गरिने छ। यी खोलाको कारण आइपर्ने बाढी तथा डुबान नियन्त्रणका लागि एकीकृत आयोजनाको निर्माण गरी यस क्षेत्रलाई बाढी तथा डुबानमुक्त क्षेत्र बनाइने छ । सबै स्थानमा ढल निकासको प्रभावकारी व्यवस्था मिलाइने छ।

नदी सफाइ र सहरको स्वच्छता सम्बन्धमा हाम्रो प्रतिबद्धता

'सफा सडक -स्वच्छ टोल' को नारालाई प्रभावकारी बनाइने छ । धुवाँ र धुलोमुक्त क्षेत्रको रूपमा यस क्षेत्रको विकास गरिने छ । यस क्षेत्रलाई सफा राख्न हरेक टोलमा सार्वजनिक शौचालयको व्यवस्था गरिने छ । पहिलो चरणमा कम्तीमा 'एक वडा एक सार्वजनिक शौचालय' अभियान चलाइने छ। आवस्यकता र जनघनत्वलाई आधार मानी थप बिस्तार गरिनेछ सार्वजनिक शौचालयको निर्माण सँगसँगै साझेदारीमा आधारित शौचालय प्रयोगलाई विकास र विस्तार गरिनेछ । स्थानीय सरकारसँगको सहकार्यमा फोहोरमैला व्यवस्थापनका लागि आवश्यक रणनीति तयार गरी वैज्ञानिक ढङ्गले फोहोरमैला विसर्जन र व्यवस्थापनको कार्य गरिनेछ । वागमती र धोवीखोलाजस्ता यही क्षेत्रसँग जोडिएका ऐतिहासिक र धार्मिक महत्वका नदीको संरक्षण गरिने छ । यी नदीको स्वच्छतालाई जगाउन नदीमा फोहोर फाल्न, ढल मिसाउन नदिने र नदीको सरसफाइ गरी स्वच्छ पानीको बहाव हुने अवस्था सिर्जना गर्नका लागि सङ्घीय सरकारमार्फत आवश्यक व्यवस्था मिलाइने छ । दुवै नदीको मुहानमा ड्याम बनाई वर्षाको पानी सङ्कलन गरी नदीमा बाह्रै महिना स्वच्छ जलप्रवाह हुने प्रबन्धका लागि योजना बनाएर कार्यान्वयन गरिने छ ।

शिक्षा तथा विज्ञान प्रविधिको क्षेत्रमा हाम्रो प्रतिबद्धता

संस्थागत विद्यालय र सामुदायिक विद्यालयहरूको शिक्षणविधि तथा गुणस्तर समान बनाउन सामुदायिक, संस्थागत साझेदारी कार्यक्रम सञ्चालन गर्न आवश्यक समन्वय गरिने छ । सामुदायिक विद्यालय र कलेजहरूको भौतिक संरचना निर्माणस्तरउन्नति तथा आधुनिकीकरण गरिने छ ।