दीपक बोहराको जन्म:२००७ चैत १८ भएको थियो। उनि एक नेपाली राजनीतिज्ञ तथा व्यवासायी हुन् । उनी राष्ट्रिय प्रजातन्त्र पार्टिका नेता हुन् । उनी रुपन्देही-३ को प्रतीनीधी सभा सदस्य हुन् । २०७९ को प्रतिनिधिसभा निर्वाचन मा बोहोराले तत्कालीन गृहमन्त्री नेपाली कांग्रेसका नेता बालकृष्ण खाँणलाई पराजित गरेका हुन् ।[२] बोहरा बि.सं. २०६७ मा राष्ट्रिय प्रकृति संरक्षण कोषको अध्यक्ष, २०५७ मा बैंक अफ काठमान्डुको अध्यक्ष भएका थिए। रुपन्देहीमा उनले सुरु गरेको "भैरहवा लुम्बिनी भुमिगत जलपरियोजना" भैलुभुज को कारण उनलाई सम्झिने गरिन्छ।

बोहोरा नेपालको राजनीतिमा ४ दशकदेखि राप्रपामा क्रियाशील रहँदै आएका छन् । २०३६ सालमा रुपन्देहीबाट राष्ट्रिय पञ्चायत सदस्यमा निर्वाचित उनी २०४२ सालको राष्ट्रिय पञ्चायत सदस्यमा समेत विजयी भएका थिए । उनी २०७० सालमा रुपन्देही निर्वाचन क्षेत्र नम्बर २ बाट संविधानसभा सदस्यमा निर्वाचित भएका थिए ।बोहरा २०६४ सालको संविधानसभा चुनावमा रुपन्देही–१ मा माओवादी केन्द्रका घनश्याम यादवसँग पराजित भएका थिए। २०७० को संविधानसभा निर्वाचनमा भने तत्कालीन क्षेत्र नम्बर २ बाट कांग्रेसका रामकृष्ण ताम्राकारलाई पराजित गर्दै विजयी भए।प्रतिनिधि सभा निर्वाचन, २०७४ मा उनी नेकपा एमालेका घनश्याम भूसाल सँग पराजित भए । भुसाललाई माओवादी केन्द्रको साथ थियो भने बोहोरालाई नेपाली कांग्रेसको साथ थियो । २०७४ को निर्वाचनमा २७ हजार ४ सय २२ मत ल्याएर बलियाे वाम गठबन्धनका उम्मेदवार घनश्‍याम भुसाललाई उनले चुनौती दिएका थिए। एमालेबाट विजयी भुसालले ३२ हजार मत ल्याएका थिए ।