वैशाख १२,बारा । बारा निर्वाचन क्षेत्र नम्बर २ मा आइतबार भएको उपनिर्वाचनको मतगणना जारी छ ।

प्राप्त पछिल्लो परिणामअनुसार यहाँ जनता समाजवादी पार्टीले गठबन्धनको सहयोगमा अग्रता कायमै राखेको छ ।

जसपा अध्यक्ष उपेन्द्र यादवले १५ हजार ९ सय ८० मत प्राप्त गरेका छन् । उनका निकटतम रहेका जनमत पार्टीका उमेदवार शिवचन्द्र कुशवाहाले ११ हजार १ सय ९८ मत पाएका छन् ।

तेस्रो स्थानमा नेकपा (एमाले) रहेको छ । एमाले उमेदवार पुरुषोत्तम पौडेलले ५ हजार १ सय ४१ मत प्राप्त गर्दा रास्वपाका उमेदवार रमेश खरेलले २ हजार १ सय २९ र आम जनता पार्टीका अरुण कुमार ज्ञवालीले १ हजार ९ सय २३ मत पाएका छन् ।