२६ पुस, काठमाडौं । भूगोल पार्कले नेपालमा पहिलो पोलिङ र सर्भे वेबसाइट स्थापना भएको छोटो समयमा नै जनजनको मनमा बस्न सफल भएको छ ।यसले देशको राष्ट्रिय र अन्तराष्ट्रिय समयसापेक्ष घटनाहरूलाईं सत्यतथ्य-निष्पक्ष एवम् तटस्थ रही सही सूचनालाईं तथ्याङ्कमा आधारित भई इन्फ्रोग्राफिक साथै पहिलो पोलिङ र सर्भे टुइटर, फेसबुक, इन्टाग्राम आदिमा समाचार पस्किरहेका छ।

नेपाली कांग्रस जस्तो वीपी कोईरालाले प्रतिपादन गरेको सिद्धान्त मूल्य र मान्यतालाई अनुसरण गरेको पार्टीले सशक्त प्रतिपक्षको भूमिका नखेलेर राष्ट्रपति, सभामुख जस्ता पद पाउँनकै लागि एमालेसहितको वैशाखी टेकेर बनेको प्रचण्ड सरकारलाई विश्वासको मत दिनु भनेको नेपाली कांग्रेसले वीपी कोईरालाले प्रतिपादन गरेको सिद्धान्त मूल्य र मान्यतालाई तिलानजली दिनु हो भने कांग्रेसका २ महामन्त्रीसहित फरक मत राख्ने कांग्रेसी नेताहरूको निर्णय सही भएको भूगोल पार्कको दृष्टिकोण रहेको छ ।

नेपाली कांग्रस पार्टी अध्यक्ष शेरबहादुर देउवासहित संस्थापन पक्षले बहुमतको निर्णय भन्दै प्रचण्ड सरकारलाई विश्वासको मत दिने निर्णय कांग्रेसीहरूलाई ‘गलाको पासो’ हुने निश्चित छ ।नेपाली कांग्रेसले यस्तै अपरिपक्व निर्णयले नेपाली कांग्रेसलाई नराम्रो दूरगामी असर पुग्ने देखिन्छ ।विगतमा ठुला भनाउँदा दलहरूले यस्तै सत्ता लिप्सामा चुर्लुम्म डुबेर भ्रष्ट्रचार गरेकोले नै गत स्थानीय निकायको चुनावमा काठमाडौँ महानगर पालिकामा वालेन शाह र धरान उपमहानगरपालिकामा हर्क साम्पाङ जस्ता केही स्वतन्त्र व्यक्तिहरूको उदय भयो ।झन हालै भएको प्रतिनिधि सभा र प्रदेश सभामा सुशासन र भ्रष्ट्रचार विरुद्ध आवाज उठाएको दल, तराइवादी दल एवं राजावादी दलहरूको पक्षमा विस्तारै जनलहर बढेर गएको मात्र देखिएन उल्यख्य रुपमा प्रतिनिधि सभा र प्रदेश सभामा ती दलबाट अधिकांश युवायुवती विजयी भएर आउँनुले आजको २१औं शताब्दीमा दलहरू प्रती विस्तारै नेपाली जनतामा लगाव कम हुदै गएर भिजन र भ्रष्ट्रचार विरुद्ध आवाज उठाएका दलमाथि जनलहर बढेर गएको देखिएको छ।

प्रधानमन्त्री प्रचण्डले दलहरूसँग विश्वासको मतमाग्दै आफूले विश्वासको मत पाएको खण्डमा लक्ष्यअनुसार राजश्व उठाउँने, वैदेशिक लगानी भित्र्याउने, स्वदेशी उत्पादन र पूर्वाधार विकासमा जोड दिने एवं मल कारखाना नेपालमै खोलिलेर पाँच वर्षमा आर्थिक वृद्धिदर दोहोरो अंकको नजिकमा पुर्‍याउनेछु भनी वाचा गरेका छन् जुन वाचा पुरानगरेको खण्डमा उहालाई पनि ईतिहासले माफ गर्ने छैन् ।विगतको तुलनामा प्रचण्डको सरकारमा सहभागी व्यक्ति विकासप्रेमी राम्रा मानिस हुने र अब नेपालमा आर्थिक क्रान्ति ती सरकारमा सहभागी मन्त्रीहरूले गर्ने अपेक्षा आम नेपाली जनताको रहेको थियो ।

भूगोल पार्क आज विश्वासको मत दिनुहुदैन भन्दै फरक मत राख्ने कांग्रेसका महामन्त्रीद्वय र सो पार्टीका नेताहरूको बारेमा पाठक वर्गलाई सूचना प्रवाह गर्न वान्छानिय ठान्दछ ।नेपाली कांग्रेसका ६ जना नेताले प्रधानमन्त्री पुष्पकमल दाहाल प्रचण्डलाई विश्वासको मत दिने पार्टी केन्द्रीय कार्यसम्पादन समितिले गरेको निर्णयमा फरक मत राखेका छन्।

महामन्त्रीद्वय गगन थापा र विश्वप्रकाश शर्मा, नेताहरू प्रकाशमान सिंह, अर्जुननरसिंह केसी, बलबहादुर केसी र प्रदीप पौडेलले प्रधानमन्त्री प्रचण्डलाई विश्वासको मत दिने निर्णयमा असहमति राखेका हुन्।

‘पार्टी प्रमुख प्रतिपक्षी भूमिकामै बस्नुपर्छ भनेर ६ जना नेताले भन्नुभएको छ। तर अरूले प्रधानमन्त्री प्रचण्डलाई विश्वासको मत दिएर पार्टी प्रतिपक्षमै बस्ने निर्णयमा सहमति जनाएका छन्,’ कांग्रेसका एक नेताले भने।

कांग्रेस केन्द्रीय कार्यसम्पादन समितिमा पदाधिकारीहरू र पूर्वपदाधिकारीहरू छन्। तत्काल केन्द्रीय समिति बस्न नसक्ने अवस्थामा केन्द्रीय कार्यसम्पादन समिति बसेर आधिकारिक निर्णय गर्न सक्छ।

केन्द्रीय कार्यसम्पादन समितिको निर्णय लगत्तै संसदीय दलको बैठक राखेर सुनाइएको थियो। जसमा सांसद प्रदीप पौडेलले मात्र फरक मत राखेका छन्। संसदीय दलले पनि प्रधानमन्त्री प्रचण्डलाई विश्वासको मत दिने निर्णय गरेको छ।

कांग्रेसबाट प्रतिनिधि सभामा ८९ जना सांसद छन्।

यस्तो छ फरक मत:

१.    हाम्रो संविधानले परिकल्पना गरेको शासकीय स्वरुप बहुदलीय प्रतिस्पर्धात्मक संसदीय शासन प्रणाली हो ।

नेपाली कांग्रेसले आफ्नो स्थापनाकालदेखि नै यसलाई आफ्नो राजनीतिक दृष्टिकोणका रुपमा लिँदै यसका लागि संघर्ष गर्दै आएको छ। यो प्रणालीको ध्येय र संसदको गरिमा जोगाउनु हाम्रो पार्टीको कर्तव्य हो, जिम्मेवारी हो। यसका लागि सदनमा सशक्त प्रतिपक्ष आवश्यक छ।सरकारलाई विश्वासको मत दिएर यो परिस्थितिमा पार्टीले प्रतिपक्षको त्यो गहन भूमिका निर्वाह गर्न सक्दैन र त्यो नैतिक धरातल पनि रहँदैन। संविधानले नै यस्तो अभ्यासको परिकल्पना गरेको छैन। यो राजनीतिक, संवैधानिक, व्यवहारिक र नैतिक दृष्टिकोणले पनि अस्वभाविक छ।

२. यतिवेला नेपाली कांग्रेस सदनको ठूलो दल हो। ठूलो दलले सरकारको नेतृत्वको दाबी स्वभाविक थियो। तर अहिले चुनाव लगत्तैको यो सरकार गठन हुँदा ठूलो दल सरकार बाहिर छ। संविधानको धारा ७६ (२) अनुसार नै दोस्रो दलको समर्थनमा तेस्रो दलको नेतृत्वमा सरकार बनिसकेको छ। कांग्रेसले यो अवस्थाको सही विष्लेषण गरेर रचनात्मक प्रतिपक्षको भूमिका निर्वाह गर्ने हो। अहिले संविधान निर्माणका वेलाको जस्तो विशेष राष्ट्रिय परिस्थिति वा शान्ति प्रक्रिया र संविधानसभा निर्वाचनको समयमा जस्तो वृहत राष्ट्रिय सहमति आवश्यक भएको अबस्था पनि होइन। न त अहिले सरकारलाई विश्वासको संकट नै परेको अवस्था छ।

यो अवस्थामा आफ्नै नेतृत्वमा बनेको संविधान र लोकतन्त्रको रक्षार्थ तथा सरकारलाई जनताप्रति जवाफदेही र जिम्मेवार बनाउन कांग्रेसले संसदमा प्रतिपक्षीय भूमिकालाई नै सशक्त र रचनात्मक बनाउनुपर्छ। आगामी दिनमा कुनै पनि वेला सरकारमा विश्वासको संटक उत्पन्न भई संविधान कार्यान्वयनमा समस्या उत्पन्न भएको अबस्थामा भने कांग्रेस यो व्यवस्था र संविधानको रक्षार्थ संविधान बमोजिमका विकल्प दिनका लागि तयार हुनुपर्छ। अहिले कांग्रेसले लिने निर्णयले यो भुमिका निर्वाह गर्न कदाचित अफ्ठ्यारो पार्दैन।

३. उपरोक्त आधार र कारणसहित अहिलेको अवस्थामा नेपाली कांग्रेसले सरकारलाई विश्वासको मत दिने पक्षमा निर्णय गर्नु हुँदैन भन्ने हाम्रो स्पष्ट मत रहेको छ।